Ուղերձում ասված է.
”Մեծարգո պարոն Օլանդ,
Ամենաջերմ շնորհավորանքներ եւ լավագույն բարեմաղթանքներ եմ հղում Ձեզ
Ֆրանսիայի Հանրապետության Նախագահի ընտրություններում տարած հաղթանակի
առթիվ, որը ֆրանսիացի ժողովրդի՝ Ձեր հանդեպ վստահության արտահայտությունն
է:
Դուք մշտապես հանդես եք եկել Հայաստանի եւ Ֆրանսիայի միջեւ
բարեկամության եւ համագործակցության ամրապնդման օգտին, եւ վստահ եմ, որ Ձեր նախագահության
ժամանակաշրջանը կնշանավորվի մեր ժողովուրդների եւ երկրների միջեւ
բարեկամական առանձնաշնորհյալ հարաբերությունների առավել խորացմամբ եւ սերտ
համագործակցության զարգացմամբ:
Մաղթում եմ Ձեզ նորանոր հաջողություններ` ի նպաստ Ֆրանսիայի բարգավաճման եւ ֆրանսիացի բարեկամ ժողովրդի բարօրության”: