ՄԵԾԱՄՈՐ METSAMOR CITY Երեքշաբթի, 19.11.2019, 20:02
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [601]
Կրթություն և գիտություն [38]
Մարզային [14]
Պաշտոնական [462]
Մշակույթ [15]
Հասարակություն [800]
Սպորտ [1]
Տեսակետ [49]
Տարածաշրջան [79]
Զանազան [185]
Քաղաքականություն [628]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2012 » Մարտ » 24 » Հայոց ցեղասպանության նոր օրինագիծ ԱՄՆ-ի Սենատում
12:03
Հայոց ցեղասպանության նոր օրինագիծ ԱՄՆ-ի Սենատում
Ամերիկացի սենատորները ապրիլի 24-ի նախաշեմին կրկին փորձում են շրջանառության մեջ դնել Հայոց ցեղասպանությունը ճանաչող հերթական բանաձեւը: Այս անգամ որպես բանաձեւի համահեղինակներ հանդես են գալիս Նյու Ջերսիից ընտրված դեմոկրատ սենատոր Ռոբերտ Մենենդեսն ու Իլինոյսը ներկայացնող հանրապետական Մարկ Քըրքը:
Հայ դատի Վաշինգտոնի գրասենյակի փոխանցմամբ` երկու սենատորներն այժմ զբաղված են իրենց մյուս գործընկերների ստորագրությունները հավաքելով: Այդ գործընթացի ավարտին Մենենդեսն ու Քըրքը պատրաստվում են նախագիծն  ուղարկել Սենատի արտաքին հարաբերությունների հանձնաժողովի նախագահ, նախագահության նախկին դեմոկրատ թեկնածու Ջոն Քերիին, որը եւս ժամանակին հստակորեն արտահայտվել է Միացյալ Նահանգների կողմից Հայոց ցեղասպանության ճանաչման օգտին:
Ամերիկացի սենատորները բանաձեւի այս նախագծում 1915-23 թվականներին Օսմանյան կայսրությունում տեղի ունեցածը որակում են որպես Ցեղասպանություն` նշելով, որ այդ իրադարձություների արդյունքում տեղահանված 2 միլիոն հայերից մեկուկես միլիոնը զոհվել են:
«Միացյալ Նահանգների Սենատը կոչ է անում նախագահին, որպեսզի նրա քաղաքականությունը արտացոլի մարդու իրավունքների, էթնիկ զտումների եւ ցեղասպանությունների հանդեպ ամերիկյան քաղաքականության ողջ էությունը` անդրադառնալով նաեւ Հայոց ցեղասպանության խնդրին եւ ըմբռնելով նման բանաձեւը չընդունելու բացասական հետեւանքները», - նշված է Ռոբերտ Մենենդեսի եւ Մարկ Քըրքի պատրաստած օրինագծում:
Բանաձեւի նախագծում նաեւ ասված է. - «Սենատը կոչ է անում նախագահին` ապրիլքսանչորսյան իր ուղերձում մեկուկես միլիոն հայերի սպանությունը հստակորեն բնութագրել որպես Ցեղասպանություն»:
«Մենք բարձր ենք գնահատում սենատորներ Մենենդեսի եւ Քըրքի ջանքերը, որոնց նպատակն է մարդու հիմնարար իրավունքներին վերաբերող այս խնդրում Միացյալ Նահանգներին դնել ճիշտ ուղու վրա», - հայտարարել է Հայ դատի Վաշինգտոնի գրասենյակի տնօրեն Արամ Համբարյանը:
Նրա խոսքով, այս բանաձեւը Թուրքիայի` այլ երկրներին լռեցնելուն ուղղված քաղաքականությանը հակազդեցության առումով շատ կարեւոր է:
«Որեւէ պետություն` թշնամի թե դաշնակից, իրավունք չունի Միացյալ Նահանգների համար վետոներ սահմանել մարդու իրավունքներին վերաբերող խնդիրներում», - նշել է ամերիկահայ գործիչը:
Նոր բանաձեւի երկու հեղինակներն էլ երկար տարիներ շարունակ հայտնի են հայկական խնդիրներին իրենց ներգրավվածությամբ:
Դեմոկրատ Մենենդեսը 2006-ի մայիսին արգելափակեց Ռիչարդ Հոգլանդի` Հայաստանում ԱՄՆ-ի դեսպանի պաշտոնում նշանակումը, պատճառաբանելով դա այն իրողությամբ, որ Սպիտակ տան այն ժամանակվա հանրապետական վարչակազմը չէր ճանաչում Հայոց ցեղասպանությունը, ինչպես նաեւ Երեւանից հետ կանչեց դեսպան Ջոն  Էվանսին, որը 2005-ին ամերիկահայերի հետ հանդիպման ժամանակ 20-րդ դարասկզբի  իրադարձությունները Ցեղասպանություն էր անվանել։
2010-ին արդեն Մենենդեսն արգելափակեց Մեթյու Բրայզայի նշանակումը Բաքվում Միացյալ Նահանգների դեսպանի պաշտոնում` պատճառաբանելով դա դիվանագետի «ադրբեջանամետ ու թուրքամետ կեցվածքով»:
Ինչ վերաբերում է Մարկ Քըրքին, ապա նա Սենատի համեմատաբար նոր անդամներից է: Մինչեւ 2010 թվականի աշնանը Սենատի անդամ դառնալը Քըրքը Ներկայացուցիչների տան Հայկական հարցերի հանձնախմբի համանախագահն էր:
Կատեգորիա: Քաղաքականություն | Դիտումներ: 183 | Ավելացրեց: admin | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Մարտ 2012  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
262728293031

Սոց ցանցեր

Ժամանակահատված

Copyright Metsamorcity.do.am © 2019