ՄԵԾԱՄՈՐ METSAMOR CITY Երեքշաբթի, 19.11.2019, 19:13
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [601]
Կրթություն և գիտություն [38]
Մարզային [14]
Պաշտոնական [462]
Մշակույթ [15]
Հասարակություն [800]
Սպորտ [1]
Տեսակետ [49]
Տարածաշրջան [79]
Զանազան [185]
Քաղաքականություն [628]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2014 » Հոկտեմբեր » 3 » Օրենսդրական լուծումներ /Ազգային ժողովն ավարտել է քառօրյա նիստերի աշխատանքը/
15:06
Օրենսդրական լուծումներ /Ազգային ժողովն ավարտել է քառօրյա նիստերի աշխատանքը/

Խորհրդարանը երեկ շարունակել է քառօրյա նիստերի աշխատանքը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
Մինչ նախորդ նիստում ընդհատված հարցի քննարկմանն անցնելը, ՀՀ ԱԺ նախագահ Գալուստ Սահակյանը նշել է, որ «Բաց դռներ» ծրագրի շրջանակում խորհրդարան են այցելել եւ ԱԺ նիստի աշխատանքին են հետեւում ԵՊՀ ժուռնալիստիկայի ֆակուլտետի ուսանողները եւ դասախոսները։ Պարոն Սահակյանը շնորհավորել է ֆակուլտետի պրոֆեսորադասախոսական կազմին, շրջանավարտներին եւ ուսանողներին ժուռնալիստիկայի բաժնի հիմնադրման 65—ամյակի եւ ֆակուլտետի հիմնադրման 15—ամյակի առթիվ՝ հաջողություններ մաղթելով աշխատանքում եւ ուսման մեջ։
Պատգամավորները շարունակել են քննարկել Հանրային հեռուստառադիոընկերության 2013 թ. գործունեության վերաբերյալ Հանրային հեռուստառադիոընկերության խորհրդի հաղորդումը եւ ներկայացնել իրենց տեսակետները։ Թեւան Պողոսյանն առաջարկել է ծրագրում ներառել նաեւ չիրականացված ծրագրերի վերաբերյալ տեղեկատվություն, որը հնարավորություն կտա պատկերացում կազմելու նաեւ դրանց խնդիրների, ֆինանսական մեխանիզմների եւ խոչընդոտների մասին։ Խոսրով Հարությունյանը կարեւորել է ծրագրում օրենսդրական լուծում պահանջող խնդիրների ներառումը։ Նրա գնահատմամբ՝ Հանրայինը պետք է առաջնորդվի ՀՀ քաղաքացուն կրթելու եւ դաստիարակելու սկզբունքով։ Արտակ Զաքարյանը խնդրին անդրադարձել է ազգային անվտանգության համատեքստում՝ նշելով, որ հանրային հեռուստառադիոընկերությանը վերապահված է տեղեկատվական անվտանգության ապահովումը։ Միքայել Մելքումյանը խոսել է կառավարման համակարգի արդյունավետությանն ուղղված խնդիրների շուրջ։ Դրական գնահատելով հանրայինի գործունեությունը՝ Արծվիկ Մինասյանը կարեւորել է համահայկական խնդիրներ ներկայացնող եւ առանձին քաղաքական հաղորդումների պատրաստումը, լարային ռադիոցանցի վերաբացումը եւ վերազինումը։ Արամ Մանուկյանի գնահատմամբ՝ Հանրային հեռուստաընկերության առաքելությունը հանրությանը հուզող ակտուալ խնդիրներին արագ արձագանքումը պետք է լինի, ինչը հանրայինը լիարժեք չի իրականացնում։
«Ժառանգություն» խմբակցության տեսակետը ներկայացրել է խմբակցության ղեկավար Ռուբիկ Հակոբյանը։ Նա, ներկայացնելով գլխադասային հանձնաժողովում քննարկումների արդյունքները, նշել է, որ որոշվել է բյուջետային քննարկումների ժամանակ առաջարկել կառավարությանը ավելացնելու հանրայինի բյուջետային միջոցները։ Կարեւորելով հասարակական կարծիքի ձեւավորման հարցում Հանրային հեռուստաընկերության դերը՝ նա անդրադարձել է նաեւ կառույցի խնդիրներին, հաղորդումների որակին ու բովանդակությանը, բանավիճային նախագծերի իրականացման կարեւորությանը։
ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանը եզրափակիչ ելույթում շնորհակալություն է հայտնել խորհրդարանին շահագրգիռ քննարկումների համար եւ անդրադարձել է հնչեցված առաջարկներին ու դիտողություններին։
ՀՀ ԱԺ փոխնախագահ Էդուարդ Շարմազանովը նշել է, որ հաղորդումն ընդունվում է ի գիտություն։
«2013 թ. ընթացքում ՀՀ մարդու իրավունքների պաշտպանի գործունեության եւ երկրում մարդու իրավունքների ու հիմնարար ազատությունների խախտման մասին» տարեկան զեկույցը ներկայացրել է ՀՀ մարդու իրավունքների պաշտպան Կարեն Անդրեասյանը։ Նա ներկայացրել է արդարադատության, կրթության, գիտության, մշակույթի, բնապահպանության, էներգետիկայի, դատախազության, սոցիալական ապահովության եւ մի շարք այլ ոլորտներում մարդու իրավունքների պաշտպանությանն առնչվող թերություններն ու խնդիրները, արձանագրված դրական քայլերը եւ խոսել առաջարկների մասին։ Նա նշել է, որ զեկույցում շուրջ 200 համակարգային խնդիրներ են բարձրացված, փորձ է արված հասարակությանը եւ քաղաքական բոլոր ուժերին հուզող խնդիրներին անդրադառնալ։ ՀՀ մարդու իրավունքների պաշտպանը տեղեկացրել է, որ մարդու իրավունքների պաշտպանը եւ աշխատակազմը իրավական ծառայություն են մատուցել 6805 անձի։ 2012 թվականի համեմատ՝ պաշտպանի աշխատակազմի կողմից վարույթ ընդունած գործերի ընդհանուր թիվն աճել է 19 տոկոսով։ 2013 թվականին քննարկման ընդունված 1090 բողոքներից դրական է լուծվել 273—ը, ինչը 2012 թվականի համեմատ՝ 25—ով պակաս է։ Ավելացել է պետական մարմինների կողմից մարդու իրավունքների խախտման մասին որոշումների թիվը, որը նախորդ տարում եղել է 61։ Գործել են 116 թեժ գծի եւ արագ արձագանքման ծառայությունները. ընդհանուր առմամբ իրականացվել է 313 արագ արձագանքում, տրամադրվել է 1082 իրավաբանական խորհրդատվություն։
Հաշվետու տարում ՄԻՊ գրասենյակի աշխատակիցները մի շարք հասարակական կազմակերպությունների հետ համատեղ, իրականացրել են 212 այցեր քրեակատարողական հիմնարկներ, ոստիկանության բաժիններ, ձերբակալված անձանց պահման վայրեր, զորամասեր, հոգեբուժարաններ, մանկատներ, հատուկ դպրոցներ, տուն—ինտերնատներ, գիշերօթիկ հաստատություններ։ Կարեն Անդրեասյանն իրազեկեց, որ գրասենյակը հաջողությամբ համագործակցում է ՀՀ տարբեր կառույցների հետ, որոշ տարաձայնություններ կան ՀՀ գլխավոր դատախազության եւ ՀՀ առողջապահության նախարարության հետ։
Մարդու իրավունքների պաշտպանին ուղղվեցին բազմաթիվ հարցեր, որոնք վերաբերում էին ոլորտում առկա խնդիրներին եւ առաջարկներին, մարդու իրավունքների պաշտպանության մեխանիզմներին եւ խնդիրներին, ժամկետանց դեղերին, կանանց նկատմամբ խտրականությանն ու բռնություններին, վերոնշյալ գերատեսչությունների հետ եղած տարաձայնություններին եւ այլն։
Հաղորդման վերաբերյալ քննարկումը կշարունակվի հաջորդ քառօրյայում։
Կատեգորիա: Հանրապետություն | Դիտումներ: 176 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Հոկտեմբեր 2014  »
ԵրկԵրկՉրկՀնգՈւրՇբԿր
  12345
6789101112
13141516171819
20212223242526
2728293031

Սոց ցանցեր

Ժամանակահատված

Copyright Metsamorcity.do.am © 2019