Օրվա կապակցությամբ Արմավիր քաղաքի կենտրոնական հարապարակն ամբողջությամբ լցված էր տոնական տրամադրությամբ և հանդերձանքով. ամենուր հնչում էր ոգեշնչող երաժշտություն, ելույթ էին ունենում Արմավիր քաղաքի մշակութային խմբերն ու անհատ կատարողները, իսկ 50-ից ավել համայնքների կողմից բացվել էին առատ սեղաններ՝ լի գյուղացու արդար քրտինքով ստեղծած բերք ու բարիքով, ավանդական հայկական ուտեստներով:
Տոնակատարությանը մասնակցում էին Գյուղատնտեսության նախարար Սերգո Կարապետյանը, ոլորտի մեծ թվով պատասխանատուներ, որոնք Արմավիրի մարզպետ Աշոտ Ղահրամանյանի ուղեկցությամբ մոտեցան բացված սեղաններին, հյուրասիրվեցին ու բարեմաղթեցին հողի լեզուն հասկացող բազմավաստակ մշակներին ու տեղական ինքնակառավարման մարմինների առաջնորդներին:
Գնահատելով գյուղատնտեսական տարին՝ մարզպետ Աշոտ Ղահրամանյանն ուրախությամբ փաստեց. <<Թեպետ մեր գյուղացին այս տարի լուրջ խնդիրներ ունեցավ ցրտահարության և սակավաջրության հետ կապված, այնուամենայնիվ, նա չընկճվեց, կռիվ տվեց հողի հետ և շարունակեց բարիք ստեղծել: Այսօր մենք գյուղատնտեսական տարին ամփոփում ենք բարձր ցուցանիշներով՝ արձանագրելով գյուղմթերքի ավելի քան 15 տոկոս աճ:
Նա իր խոսքում ընդգծեց, որ վերջին 23 տարիների կտրվածքով այս տարի մարզում խաղողի տեխնիկական սորտի մթերման ռեկորդային ծավալ է գրանցվել: Ըստ մարզպետի՝ միայն նախորդ տարվա համեմատությամբ խաղողի մթերումն ավելացել է 18 հազար տոննայով՝ կազմելով 68 հազար տոննա:
Տոնակատարությանը մասնակցում էին նաև Մեծամորի քաղաքացիները, քաղաքապետ` Ռոբերտ Գրիգորյանի գլխավորությամբ:

«ԴիջիԹեք Էքսպո —2014» ամենամյա տեխնոլոգիական ցուցահանդեսին ՀՀ տարածքային կառավարման նախարարությունը, «Տեղեկատվական համակարգերի զարգացման եւ վերապատրաստման կենտրոն» ՀԿ—ի եւ Գերմանիայի միջազգային համագործակցության ընկերության (GIZ) հետ համատեղ ներկայացրեց համայնքային կառավարման տեղեկատվական համակարգը (ՀԿՏՀ), հայտնում են տարածքային կառավարման նախարարության հասարակայնության հետ կապերի բաժնից։ 
Համայնքային կառավարման տեղեկատվական համակարգը ստեղծվել է ՀՀ տարածքային կառավարման նախարարության նախաձեռնությամբ՝ «Տեղեկատվական համակարգերի զարգացման եւ վերապատրաստման կենտրոն» ՀԿ—ի կողմից եւ ներդրվում է Հայաստանի համայնքներում՝ համայնքային կառավարման արդիականացման նպատակով։ Համակարգի ներդրման աշխատանքներին աջակցում է GIZ—ը՝ «Համայնքների զարգացում Հարավային Կովկասում» ծրագրի շրջանակում։ 2014 թ. սեպտեմբերի 1—ի դրությամբ ՀԿՏՀ ներդրված է մոտ 580 համայնքում, իսկ 233 համայնքում այն ծառայում է նաեւ որպես համայնքի համացանցային պաշտոնական կայք։
Ծրագրի պատասխանատուները տաղավարի այցելուներին երեկ ներկայացրին համակարգի ընձեռած հնարավորությունները՝ նշելով, որ այն ուղղված է ՏԻՄ—երի կողմից մատուցվող ծառայությունների որակի բարձրացմանը, համայնքներում էլեկտրոնային փաստաթղթաշրջանառության ներդրմանը։ Համակարգի ինտեգրումը պետական կառավարման մարմիններում գործող էլեկտրոնային համակարգերին ապահովում է հանրային հատվածի էլեկտրոնային փաստա ... Կարդալ շարունակությունը »

Ծայրագույն Արեւելք հովվապետական այցի շրջանակներում սեպտեմբերի 30—ի կեսօրին Ն.Ս.Օ.Տ.Տ. Գարեգին Բ Ծայրագույն պատրիարք եւ Ամենայն հայոց կաթողիկոսը պատվիրակության ուղեկցությամբ Սինգապուրից ժամանեց Մյանմարի Միության Հանրապետություն, հայտնում են Մայր Աթոռ Ս. Էջմիածնի տեղեկատվական համակարգից։ Սա Ամենայն հայոց կաթողիկոսի առաջին հովվապետական այցելությունն է Մյանմար, որը կազմակերպվել էր Հեռավոր Արեւելքի հայկական համայնքների ներկայացուցիչների, բարերար հայորդիների եւ ՀՀ արտաքին գործերի նախարարության ջանքերով։
Օդանավակայանում պաշտոնական ընդունելությունից հետո ոստիկանական հատուկ ուղեկցությամբ Ամենայն հայոց կաթողիկոսը մեկնեց հանդիպելու Յանգոնի գլխավոր նախարար Մինթ Սուիի հետ։
Հանդիպմանը ներկա էին Հնդկաստանի եւ Ծայրագույն Արեւելքի հայրապետական պատվիրակ, Ավստրալիայի եւ Նոր Զելանդիայի հայոց թեմի առաջնորդ տ. Հայկազուն եպիսկոպոս Նաջարյանը, Հնդկաստանի հայոց հոգեւոր հովիվ, Կալկաթայի հայոց մարդասիրական ճեմարանի կառավարիչ տ. Զավեն աբեղա Յազիչյանը, Մայր Աթոռի դիվանատան ներեկեղեցական հարաբերությունների գրասենյակի տնօրեն տ. Պարույր քահանա Ավետիսյանը, Ս. Էջմիածնի բարերար Հայկ Դիդիզյանը, Սինգապուրի հայոց եկեղեցական վարչության ատենապետ Պիեռ Հեննեսը, Դաքքայի հայոց եկեղեցու խնամատար Արմեն Արսլանյանը եւ Հնդկաստանում ՀՀ դեսպան Արա Հակոբյանը։
Հանդիպման ընթացքում, որն անցավ ջերմ մթնոլորտում, Ամենայն հայոց կաթողիկոսն անդրադարձավ հայ—բիրմայական հարաբերություններին, խոսեց դարավոր բարեկամության եւ Մյանմար ... Կարդալ շարունակությունը »