Գլխավոր էջ » 2014 » Հունիս » 19 » Տնտեսական կապերն աշխուժացնելու մեծ ռեզերվներ կան /Պաշտոնական այցով Վրաստանում է ՀՀ նախագահ Սերժ Սարգսյանը/
15:02
Տնտեսական կապերն աշխուժացնելու մեծ ռեզերվներ կան /Պաշտոնական այցով Վրաստանում է ՀՀ նախագահ Սերժ Սարգսյանը/
Երկօրյա պաշտոնական այցով Վրաստանում է ՀՀ նախագահ Սերժ Սարգսյանը։ Վրաստանի նախագահի նստավայրում տեղի է ունեցել նախագահ Սարգսյանի դիմավորման պաշտոնական արարողությունը։
Այնուհետեւ նախագահներ Սերժ Սարգսյանը եւ Գիորգի Մարգվելաշվիլին առանձնազրույց են ունեցել, որին հաջորդել են երկու երկրների պաշտոնական պատվիրակությունների մասնակցությամբ ընդլայնված կազմով բանակցությունները։
Հայաստանի եւ Վրաստանի նախագահները բանակցությունների արդյունքներն ամփոփել են զանգվածային լրատվամիջոցների ներկայացուցիչների առջեւ համատեղ հայտարարությամբ։
Սերժ Սարգսյանը հանդիպում է ունեցել նաեւ Վրաստանի խորհրդարանի նախագահ Դավիթ Ուսուպաշվիլիի հետ։
Երեկոյան նախագահը Թբիլիսիի Շոթա Ռուսթավելիի անվան պետական ակադեմիական թատրոնում ներկա է գտնվել նաեւ Սայաթ—Նովայի 300—ամյակին նվիրված գալա համերգին։
Պաշտոնական այցի առաջին օրվա ավարտին Վրաստանի նախագահ Գիորգի Մարգվելաշվիլիի անունից՝ ի պատիվ նախագահ Սերժ Սարգսյանի, տրվել է պաշտոնական ընթրիք։