Գլխավոր էջ » 2012 » Մարտ » 14 » Խաչիկ Սուքիասյանը չի հասկացել` ինչ է նշանակում ԵՄ ազատ գոտու ծրագրին Հայաստանի անդամությունը
18:43
Խաչիկ Սուքիասյանը չի հասկացել` ինչ է նշանակում ԵՄ ազատ գոտու ծրագրին Հայաստանի անդամությունը
Այսօր ճիշտ չի լինի գնահատական տալ, թե ինչպիսին կլինեն ընտրությունները: Այսօր լրագրողների հետ հանդիպմանը ասաց Խաչիկ Սուքիասյանը։ Խ.
Սուքիասյանի կարծիքով՝ խորհրդարան կմտնեն հայտնի ուժեր` ՀՀԿ, ԲՀԿ, ՀԱԿ,
հնարավոր է՝ ՀՅԴ։ Ներսի ուժերից որոշների դեպքում հնարավոր են անակնկալներ,
միաժամանակ նա չի կարող ասել` ով կլինի ֆավորիտ, գուցե ՀԱԿ-ը: Ըստ
գործարարի՝ Հայաստանը համաշխարհային ֆինանսատնտեսական ճգնաժամի հետ կապ
ունի այնքանով՝ որքանով: Մեր երկրի թիվ մեկ խնդիրը մարքեթինգի ինստիտուտի
բացակայությունն է. «Սփյուռքում շատ բարենպաստ գործոններ կան, որոնք կարող
են օգնել հայկական արտադրանքը դուրս բերել արևմտյան շուկաներ: Այս հարցում
պետք է հետևողական լինել և խնդրով զբաղվել ամեն օր»: Նա միաժամանակ
փաստեց, որ ինքը կարդացել ու ոչինչ էլ չի հասկացել` ինչ է նշանակում ԵՄ
ազատ առևտրի գոտու ծրագրին Հայաստանի անդամություն: «Սա անհասկանալի
ձևակերպում է, գուցե խոսքը եվրոպական արժեքներին մոտենալո՞ւ մասին է»,-
ասաց Սուքիասյանը:
