Վարչապետ Հովիկ Աբրահամյանն ընդունել է Իրանի արտահանման եւ զարգացման բանկի տնօրեն Ալի Սալեհ Աբադիին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Զրուցակիցները քննարկել են հայ–իրանական համատեղ տարբեր ծրագրերի իրականացմանն առնչվող մի շարք հարցեր։ Վարչապետ Աբրահամյանը եւ Ալի Սալեհ Աբադին կարեւորել են երկու երկրների կառավարությունների միջեւ ձեռք բերված պայմանավորվածությունների կյանքի կոչումը եւ նշել, որ դրանք մեծ նշանակություն ունեն ինչպես Հայաստանի, այնպես էլ Իրանի համար։ Կողմերը համոզմունք են հայտնել, որ տարբեր ոլորտներում նախանշված ծրագրերի իրականացումն էապես կնպաստի երկու բարեկամ երկրների միջեւ տնտեսական կապերի զարգացմանն ու առեւտրաշրջանառության ծավալների աճին։