ՄԵԾԱՄՈՐ METSAMOR CITY Ուրբաթ, 15.11.2019, 01:02
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [599]
Կրթություն և գիտություն [38]
Մարզային [14]
Պաշտոնական [462]
Մշակույթ [15]
Հասարակություն [800]
Սպորտ [1]
Տեսակետ [49]
Տարածաշրջան [79]
Զանազան [185]
Քաղաքականություն [627]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2015 » Սեպտեմբեր » 23 » Մատենադարանը գերազանցեց սպասումները /Գերմանական պատվիրակությունը Հայաստանում է/
10:57
Մատենադարանը գերազանցեց սպասումները /Գերմանական պատվիրակությունը Հայաստանում է/

Սեպտեմբերի 22—27—ը ՀՀ մշակույթի նախարարության հրավերով Հայաստան է այցելել Գերմանիայի Դաշնային Հանրապետության Սաքսոնիա—Անհալթ երկրամասի մշակույթի եւ կրթության նախարար Շտեֆան Դորգերլոհի գլխավորած պատվիրակությունը։ Պատվիրակության կազմում են նախարարության դպրոցական կրթության վարչության պետ Թորսթեն Քլիմեն, նախարարության միջազգային եւ ԵՄ հետ կրթական կապերի պատասխանատու Ուվե Բիրկհոլցը եւ նախարարի օգնական Միխայել Շուլցը։
Այցի շրջանակում երեկ նախատեսված էր այցելություն Հայոց ցեղասպանության հուշահամալիր եւ թանգարան—ինստիտուտ, ինչպես նաեւ Մատենադարան։
Մատենադարանում շրջելով ու ծանոթանալով ցուցադրված նմուշներին՝ նախարարն ասաց, որ գիտեր՝ հայկական մշակույթը գրերի մշակույթ է, իսկ այն, ինչ տեսավ այստեղ, իր սպասումները գերազանցեցին. «Հատկապես տպավորիչ է այն փաստը, որ հայկական գրերն այդքան հին պատմություն ունեն։ Հասել են ամենավաղ դարաշրջաններից»։
Ասում է, որ Հայաստանում արդեն չորրորդ անգամ է. «Ահա թե ինչու զարմանալի է, որ Մատենադարանում առաջին անգամ էի»։
Գերմանացի նախարարը նշում է, որ երաժշտության բնագավառում հայերի եւ գերմանացիների համագործակցությունն իրեն մեծ բավականություն է պարգեւում։ Հույս ունի, որ փոխայցելությունների ժամանակ արվեստագետները միմյանց հետ կնվագեն երկու երկրների ստեղծագործողների գործերը։
Նշենք, որ գերմանական պատվիրակության այցի ընթացքում կստորագրվի ՀՀ մշակույթի նախարարության, ՀՀ կրթության եւ գիտության նախարարության եւ Սաքսոնիա—Անհալթ երկրամասի մշակույթի եւ կրթության նախարարության միջեւ կրթության եւ մշակույթի ոլորտներում հետագա համագործակցության մասին փոխըմբռնման հուշագիր։
Բացի այդ, Հայաստանի ազգային պատկերասրահում կբացվի «Պատկերներ մի երկրից. Արեւելագերմանական լուսանկարչությունը 1945—1995 թթ.» խորագրով ցուցահանդեսը։ Իսկ Կոմիտասի թանգարան—ինստիտուտում տեղի կունենա Դրեզդենի «Վոկալ մոդեռն» երգչախմբի համերգը՝ նվիրված Հայոց ցեղասպանության 100—րդ տարելիցին (գեղ. ղեկավար Քրիստֆրիդ Բրյոդել, ալտ՝ Աննետտե Մարկերտ, հոբոյ՝ Քրիստոֆ Գերբեթ)։ Համերգի ընթացքում կհնչեն Կոմիտասի եւ Թոմաս Բուխհոլցի ստեղծագործությունները։ 
Գերմանիայի Դաշնային Հանրապետության Սաքսոնիա—Անհալթ երկրամասի հետ համագործակցությունը սկսվել է 1998 թ.՝ «Հայաստանի Հանրապետության մշակույթի, երիտասարդության հարցերի եւ սպորտի նախարարության, Հայաստանի Հանրապետության կրթության եւ գիտության նախարարության եւ Գերմանիայի Դաշնային Հանրապետության Սաքսոնիա—Անհալթ երկրամասի մշակույթի եւ կրթության նախարարության միջեւ գիտության, կրթության եւ մշակույթի բնագավառներում հետագա համագործակցության վերաբերյալ» փոխըմբռնման hուշագրի ստորագրմամբ։ Հուշագրի շրջանակում պարբերաբար իրականացվել են բարձրաստիճան փոխայցելություններ թե՛ Հայաստանում, թե՛ ԳԴՀ Սաքսոնիա—Անհալթ երկրամասում, որոնք նպաստել են կողմերի միջեւ քաղաքական կանոնավոր երկխոսության ձեւավորմանը։ Այնուհետեւ, 2010 թ. «ԳԴՀ Սաքսոնիա—Անհալթ երկրամասի մշակույթի նախարարության հուշարձանների պահպանության ու հնագիտության կոմիտեի, Մայնցի Հռոմեա—գերմանական թանգարանի եւ Մանհայմի Կուրտ—Էնգելհորնարխեոմետրիայի կենտրոնի եւ ՀՀ ԳԱԱ «Հնագիտության եւ ազգագրության ինստիտուտ» ՊՈԱԿ—ի միջեւ ստորագրվել է համագործակցության մասին պայմանագիր։ 2014 թ. փետրվարի 19—22—ը, Գերմանիայի Դաշնային Հանրապետության Սաքսոնիա—Անհալթ երկրամասի մշակույթի նախարար Շ. Դորգերլոհի հրավերով ՀՀ մշակույթի նախարար Հասմիկ Պողոսյանի գլխավորած պատվիրակությունը գտնվել է Բեռլինում եւ Հալլեում։ Պաշտոնական այցի շրջանակում ստորագրվել է «Հայաստանի Հանրապետության մշակույթի նախարարության, Հայաստանի Հանրապետության կրթության եւ գիտության նախարարության եւ Գերմանիայի Դաշնային Հանրապետության Սաքսոնիա—Անհալթ երկրամասի մշակույթի նախարարության, Սաքսոնիա—Անհալթ երկրամասի գիտության եւ էկոնոմիկայի նախարարության միջեւ կրթության, գիտության եւ մշակույթի բնագավառներում համագործակցության մասին» փոխըմբռնման հուշագիրը։ Նախարար Հ. Պողոսյանը մասնակցել է նաեւ Մորիցբուրգ—Սաքսոնիա—Անհալթ երկրամասի արվեստի թանգարանում «Մինաս եւ Նարեկ Ավետիսյան։ Մոդեռնը եւ ավանգարդը Հայաստանում» խորագրով ցուցահանդեսի բացմանը։ hhpress.am
Թամարա ՄՈՒՐԱԴՅԱՆ
Կատեգորիա: Հասարակություն | Դիտումներ: 209 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Սեպտեմբեր 2015  »
ԵրկԵրկՉրկՀնգՈւրՇբԿր
 123456
78910111213
14151617181920
21222324252627
282930

Սոց ցանցեր

Ժամանակահատված

Copyright Metsamorcity.do.am © 2019